Bu ilin yanvar-sentyabr aylarında xarici ölkələrə gedən Azərbaycan vətəndaşlarının sayı ötən ilin eyni dövrünə nisbətən 1,7 dəfə artaraq 1 110,8 min nəfər olub.
Dövlət Statistika Komitəsindən (DSK) NOCOMMENT-ə verilən məlumata görə, ölkə vətəndaşlarının 47,3%-i Türkiyəyə, 17,7%-i Rusiyaya, 11,1%-i İrana, 8,5%-i Gürcüstana, 15,4%-i digər ölkələrə səfər edib.
Gedənlərin 64,1%-ni kişilər, 35,9%-ni qadınlar təşkil edib.
Ötən ilin eyni dövrü ilə müqayisədə İrana gedənlərin sayı 3,1 dəfə, Gürcüstana gedənlərin sayı 1,8 dəfə, Türkiyəyə gedənlərin sayı 1,7 dəfə, Rusiyaya gedənlərin sayı isə 21,2% artıb.
