Ermənistan ilə Azərbaycan arasında vizasız rejim de-fakto işləmir.
NOCOMMENT.az xəbər verir ki, bunu Ermənistan Xarici İşlər Nazirliyinin mətbuat katibi Anna Naqdalyan deyib.
“Məsələnin əsasını 9 dekabr 1992-ci il tarixli MDB vətəndaşlarının vizasız səyahət haqqında müqavilə təşkil edir. Sazişin hüquqi normaları Ermənistan və Azərbaycan vətəndaşları üçün de-fakto işləmir. İstisna olaraq hər iki ölkə vətəndaşlarının Ermənistana və ya Azərbaycana daxil olması səlahiyyətli orqanların birbaşa nəzarəti altında xüsusi icazə əsasında həyata keçirilir”, – o bildirib.
Qeyd edək ki, Ermənistan Xarici İşlər Nazirliyinin saytında Azərbaycan vətəndaşlarının Ermənistana təkcə pasport ilə vizasız səfər edə biləcəyi qeyd edilib. Həmin məlumat sosial şəbəkələrdə səs-küyə səbəb olub.
Axar.az