Azəriqaz rəhbərliyi onlayn vətəndaş qəbulu keçiribbackend

Azəriqaz rəhbərliyi onlayn vətəndaş qəbulu keçirib

  • whatsapp
  • messenger
  • telegram
  • vkontakte
  • odnoklassniki

“Azəriqaz” İB-nin baş direktoru videobağlantı ilə vətəndaş qəbulu keçirib.

“Azəriqaz” İstehsalat Birliyindən NOCOMMENT.az-a verilən məlumata görə, baş direktor Ruslan Əliyev Oğuz rayonunun sakinləri ilə birbaşa videobağlantı yaratmaqla onlayn vətəndaş qəbulu keçirib.

Vətəndaşların qəbulda iştirakı üçün karantin rejiminin tələbləri gözlənilməklə şərait yaradılıb. Qəbulda bölgənin 10-dan çox vətəndaşı növbəli şəkildə fikirlərini səsləndiriblər. Birliyin baş direktoru ilə söhbətləri zamanı onlar əsasən yaşayış məntəqələrinin qazlaşdırılması, işə qəbul, qazdan istifadəyə görə yaranan borcların ödənişində güzəştlərin edilməsi və digər məsələlərlə bağlı fikir mübadiləsi aparıblar.

Hər bir vətəndaşın müraciəti diqqətlə dinlənilib. Baş direktor qarşıda gələn Qurban bayramı münasibətilə bir neçə müraciətin (fərdi qaz çəkilişləri, qapı keçidləri üçün qaz xətlərinin yerinin dəyişdirilməsi və s.) Birliyin hesabına həyata keçiriləcəyini bildirib. Zaqatala Regional qaz istismarı İdarəsinin rəhbərliyinə tapşırıq verilib ki, həmin müraciətlər ən geci Qurban bayramına qədər icra edilməlidir.