Bakı Dövlət Universitetinin 1 saylı tədris korpusunda təmir-bərpa işləri aparıldığından bir neçə müddətdir Hüquq və Filologiya fakültələrində dərslərin təşkili BDU-nun digər tədris binasında aparılırdı.
NOCOMMENT.az xəbər verir ki, həmin fakültələr artıq keçmiş Asiya Universitetinin binasına köçürülüb.
BDU-dan məlumatı təsdiqləyiblər.
Həmçinin vaxtilə Asiya Universitetinin yerləşdiyi binanın üzərinə “Bakı Dövlət Universiteti, C korpusu” sözləri yazılıb.
Məlumata görə, Nəsimi rayonu, Əbdülvahab Salamzadə küçəsi 116 ünvanında yerləşən bina Hüquq və Filologiya fakültələri əvvəlki binaya qaytarıldıqdan sonra da BDU-nun korpusu kimi fəaliyyət göstərəcək. /APA/
