Azərbaycan Xalq Cəbhəsi Partiyası Bakı Şəhər İcra Hakimiyyəti qarşısında aksiya keçirir.
NOCOMMENT yeniavaz-a istinadən xəbər verir ki, insanlar saat 16:00-a təyin olunan aksiyaya gəlməyə başlayıblar.
Xatırladaq ki, daha əvvəl AXCP sədri Əli Kərimli noyabrın 11-də saat 16:00-da Bakı Şəhər İcra Hakimiyyətinin qarşısında növbəti aksiyanın keçiriləcəyi barədə məlumat verib.
Qeyd edək ki, Bakı Şəhər İcra Hakimiyyəti (BŞİH) Azərbaycan Xalq Cəbhəsi Partiyasının (AXCP) noyabrın 11-də BŞİH inzibati binasının qarşısında piketin keçirilməsinə razılıq verməyib.
Bundan əlavə Daxili İşlər Nazirliyinin Mətbuat xidməti də aksiya barədə məlumat yayıb. Mətbuat Xidmətinin bölmə rəisi Zeyni Hüseynov bildirib ki, əgər aksiya zamanı iştirakçılardan hansısa polisin tələbinə tabe olmayıb ona qarşı müqavimətə cəhd göstərərsə, belə şəxslər barəsində qanunamüvafiq tədbirlər görüləcək. Həmin şəxslər razılaşdırılmamış aksiyanın keçirilməsinə cəhd edərlərsə, qarşısı alınacaq və bu zaman baş verə biləcək hər hansı qanunazidd əməlin məsuliyyəti də təşkilatçıların üzərinə düşəcək.
