Bakıda 13 nəfərə qarşı dələduzluq edən şəxs saxlanılıb.
Daxili İşlər Nazirliyinin Mətbuat Xidmətindən NOCOMMENT-ə verilən məlumata görə, Bakı şəhər sakini A.Ç-nı aldadan şəxsin hesabına pul köçürməsi barədə polisə məlumat daxil olub.
Polis əməkdaşlarının keçirdikləri əməliyyat tədbiri nəticəsində dələduzluq əməlində şübhəli bilinən Bakı şəhər sakini Əli Dadaşov saxlanılıb.
Araşdırmalarla onun daha 12 nəfəri aldadaraq dələduzluq yolu ilə hesabına müxtəlif məbləğlərdə pul köçürməsi də müəyyən olunub.
Faktla bağlı araşdırma aparılır.
