Bakıda etiraz aksiyası keçirildibackend

Bakıda etiraz aksiyası keçirildi

  • whatsapp
  • messenger
  • telegram
  • vkontakte
  • odnoklassniki

Çərşənbə günü Azərbaycan Demokratiya və Rifah Partiyasının fəalları Ədliyyə Nazirliyinin binası qarşısında etiraz aksiyası keçiriblər. Onlar Ədliyyə Nazirliyinin bu partiyanı qeydiyyata almaqdan imtina etməsinə etiraz ediblər.

NOCOMMENT turan-a istinadən xəbər verir ki, aksiya iştirakçıları “Ədliyyə Nazirliyi, Azərbaycan Demokratiya və Rifah Partiyasını qeydiyyata al!”, “Ədliyyə Nazirliyi, Konstitusiyaya əməl et!” şüarları səsləndiriblər.

“Son ildə Ədliyyə Nazirliyi 9 siyasi partiyanı qeydiyyata alıb. Biz danışığa getmirik deyə bizi qeydiyyata almırlar. 2014-cü ildən bu prosesi uzadırlar. Biz heç bir danışıqlara getməyəcəyik, qanuni vasitələrlə partiyanın qeydiyyata alınmasına nail olacağıq. Lazım gələrsə, Avropa məhkəməsinə qədər gedəcəyik”, – deyə partiya fəalı Hüseyn Məlikov vurğulayıb.

İştirakçılardan ikisi ədliyyə Nazirliyinə dəvət olunub və qəbul şöbəsinin rəisi Kamal Hüseynov onları qəbul edib.

Partiyanın sədr müavini Ədalət Yusibov: “Hüseynov Ədliyyə Nazirliyinin rəhbərliyil iə əlaqə saxlayıb, sonra cümə günü bütün sənədlərlə rəhbərliyə qəbula gəlməyi təklif edib”.

Azərbaycan Demokratiya və Rifah Partiyası 2015-ci ildə yaradılmış Demokratiya və Rifah Hərəkatının bazasında 2021-ci il oktyabrın 17-də yaradılıb. Təşkilata iqtisad elmləri doktoru, professor Qubad İbadoğlu rəhbərlik edir.