Hazırda paytaxda müşahidə edilən güclü yağış fonunda həm də şəhərin əsas küçə və prosopektlərində tıxac yaranıb.
NOCOMMENT xəbər verir ki, modern.az-ın əməkdaşının verdiyi məlumata görə, “Qara Qarayev” metrostansiyasından üzü “Koroğlu” istiqamətində nəqliyyatın hərəkəti iflic vəziyyətdədir. Yol polisi “Koroğlu” körpüsünə girişdə yolu bağladığından 1 saatdan çoxdur ki, nəqliyyat vasitələri tam hərəkətsiz dayanıb.
Nəticədə avtobuslarda olan insanlar arasında halı pisləşənlər var, həmçinin sərnişinlər getmək istədikləri ünvana gecikir. Analoji vəziyyət digər yollarda da müşahidə edilir.
