Baku TV-nin çəkiliş qrupu və hərbi müxbiri Fərdin İsazadə Azərbaycan-Ermənistan şərti sərhədində növbəti çəkilişlər zamanı qarşı tərəfin hərbçiləri ilə üz-üzə gəlib.
NOCOMMENT xəbər verir ki, həmkarımız Oxçuçay sahilində reportajının növbəti hissəsini lentə aldıqdan bir qədər sonra ərazidə peydə olan erməni zinvorları əllərində olan smartfonlarla Baku TV-nin heyyətinin foto və video çəkilişlərini həyata keçirib.
“Ərazidə çəkiliş apardığımız zaman Ermənistan silahlı qüvvələrinin hərbçiləri də məntəqəyə gəldilər. Görünür bizim burada nə işlə məşğul olduğumuz onlara çox maraqlıdır. Dayanıb oradan bizi müşahidə edirlər, telefonlarına görüntülər götürürlər. Təbii ki, sərhədçilərimiz ayıq-sayıqdırlar. Dərhal bu hal baş verdikdə mühafizəni lazımi qaydada həyata keçirdirlər. Maraqlı mənzərə yaranır. Sərhədlərini öz qüvvəsi ilə qoruya bilməyən erməni əsgəri, şərti sərhəddə əlinə smartfon alıb operatorluq edir. Görünür döyüş meydanında bir işə yaramayan erməni əsgəri azərbaycanlıları özlərinə kumir kimi görür, bizə pərəstişkarlıq fanatlıq edir. Və ya, konkret olaraq Azərbaycan jurnalistinə qarşı şərti sərhəd xəttində rəqib qismində çıxış etmək xülyasına düşüblər”.
Fərdin İsazadə güman edir ki, qarşı tərəfin hərbçiləri tərəfində qeydə alınan görüntülər Ermənistan xüsusi xidmət orqanlarına təqdim ediləcək. Eyni zamanda, onun sözlərinə görə, bu hal hərbi jurnalistimizdə heç bir narahatlıq hissi oyatmır. Çünki Azərbaycanın aidiyyəti qurumları opertav və taktiki vəziyyəti nəzarət altında saxlayır.
Həmkarlarımızın bu və Azərbaycan-Ermənistan şərti sərhədinin bir qismində hazırladığı materiala bu yaxınlarda Qarabağ Xronikası verilişinin növbəti buraxılışında baxa bilərsiniz.
