Tanınmış vəkil Zibeydə Sadıqova barədə Vəkillər Kollegiyasına şikayət daxil olub.
NOCOMMENT.az xəbər verir ki, bu barədə vəkil sosial şəbəkə hesabında paylaşım edib.
“Dünən də hansısa deputat çıxıb insan haqları ilə məşğul olan vəkillər barədə məqalə yazır.
Məqalə çıxandan sonra məqalənin mahiyyəti aydın oldu.
Vəkillər Kollegiyasından zəng edib məni 5-ci gün keçiriləcək Rəyasət Heyətinin iclasına çağırıblar. Səbəbini soruşanda isə barəmdə rəy verildiyini bildirdilər. Rəyi istəyəndə isə deyirlər ki, Kollegiyadan imza edib götürə bilərəm. İclasa 2 gün qalıb, indi xəbər tuturam ki, barəmdə rəy var imiş, barəmdə intizam tədbiri görmək istəyirlərmiş.
Nə baş verir? Bu nə deməkdir? Növbə məndədir? İnsan haqlarını müdafiə etmək cinayət deyil!” – Z. SAdiqova bildirib.
Qeyd edək ki, Vəkillər Kollegiyasının Rəyasət Heyətinin bundan əvvəl keçirilən iclasında Elçin Sadıqov və başqa iki vəkilin vəkillik fəaliyyətinin dayandırılması, Vəkillər Kollegiyasının üzvlüyündən xaric edilməsi barədə məhkəməyə müraciət edilməsi qərara alınıb.
