Ölkələri miqrantları qəbul etməsə, Avropa İttifaqının iqtisadiyyatı durğunlaşacaq.
NOCOMMENT.az bildirir ki, bu fikri İspaniyanın baş naziri Pedro Sançes Bloomberg TV- yə müsahibəsində bildirib .
O, İspaniyada immiqrasiya əleyhinə siyasət tələb edən sağçı partiyaların populyarlığı ilə bağlı sualı cavablandırarkən, “Miqrantların [iqtisadiyyata] verdiyi töhfəni rədd etsək, AB yaxın illərdə sadəcə olaraq durğunlaşacaq. Bizim böyüməyə yerimiz olmayacaq” dedi.
İspaniya baş nazirinin sözlərinə görə, bu partiyaların nümayəndələri işsizliyə və pisləşən demoqrafik vəziyyətə heç bir həll yolu təklif etmirlər. O qeyd edib ki, tikinti, kənd təsərrüfatı, sosial təminat, turizm kimi bəzi əsas iqtisadi sektorlarda miqrantlar işçi qüvvəsinin 20-30%-ni təşkil edir. Sançesin sözlərinə görə, miqrantların əksəriyyəti İspaniyaya Latın Amerikası, Şimali Afrika və ABŞ-dan gəlir.
İyulun 16-da İspaniyanın mühafizəkar Xalq Partiyasının (PP) lideri Alberto Núñez Feijooo qanunu pozan qeyri-qanuni mühacirlərin dərhal deportasiya edilməsinə çağırıb. Bundan əvvəl İspaniyanın ifrat sağçı “Vox” partiyası qanunları pozan və ya “xarici dinlər” tətbiq edən immiqrantların deportasiya edilməsinə çağırıb. Cavab olaraq, Sançes hadisədən sonra “irqçiliyin demokratiya ilə uyğun olmadığını” və “İspaniyanın nifrət deyil, hüquqlar ölkəsidir” dedi.
