ABŞ lideri Co Bayden daha bir kuryoz hadisə ilə gündəm olub. Bu dəfə o, mikrofonun açıq olduğunu unudub və söyüş söyüb.
NOCOMMENT xəbər verir ki, bu, Florida ştatında Fort Mayers Biç meri Rey Mörfi ilə görüşdə baş verib. Prezident məmurla söhbətində “İan” qasırğasından zərərçəkənlərə kömək məqsədilə həyata keçirilən tədbirlərdən danışıb.
“Heç bir şey Baydenə qalib gələ bilməz!”, – deyən dövlət başçısı özünü saxlaya bilməyib, ardınca senzuradan kənar ifadələr işlədib.
Veriliş canlı yayımlandığından bununla bağlı kadrlar sosial şəbəkələrdə geniş yayılıb.
