ABŞ prezidenti Co Bayden və vitse-prezident Kamala Harris Yaxın Şərqdəki vəziyyətlə bağlı milli təhlükəsizlik komandası ilə qapalı görüş keçirib.
NOCOMMENT.az xəbər verir ki, bu barədə TASS məlumat yayıb.
“Görüş İran və onun etibarlı tərəflərindən gələn təhdidlərə həsr olunub”, – Ağ Evin bəyanatında deyilir.
Mesajda qeyd edilib ki, təhdidlər “İsrailə” və Yaxın Şərq bölgəsindəki Amerika hərbçilərinə yönəlib. Görüşdə Bayden və Harris İraqdakı Ayn əl-Əsəd hava bazasına raket hücumu ilə bağlı məlumat veriblər. Müzakirə mövzusu Amerika hakimiyyətinin qüvvələrini qorumaq və hərbçilərə qarşı “hər hansı bir hücuma cavab vermək” üçün atdığı addımlar olub.
ABŞ prezidenti və vitse-prezidentinə yəhudi dövlətinə hücum olacağı təqdirdə Vaşinqtonun İsrailə hərbi dəstəyindən danışılıb. Görüşdə Qəzza zolağında atəşkəs və girovların azad edilməsi ilə bağlı razılığın əldə edilməsi də daxil olmaqla, regionda gərginliyin azaldılması istiqamətində diplomatik səylər xatırladılıb.
