Amerika lideri Co Bayden bildirib ki, istintaq ABŞ-ın keçmiş prezidenti Donald Trampa sui-qəsd cəhdinin səbəblərini və siyasi üstünlüklərini hələ də aydınlaşdırmayıb.
NOCOMMENT.az xəbər verir ki, bu barədə TASS məlumat yayıb.
“Atıcının motivlərini hələ bilmirik. Biz onun əqidəsini və siyasi mənsubiyyətini bilmirik. Onun köməyi və dəstəyi olub-olmadığını, başqası ilə əlaqə saxlayıb-yaxmadığını bilmirik”, – Ağ Evin hazırkı rəhbəri Trampın həyatına sui-qəsdlə bağlı xalqa televiziya müraciətində deyib.
Baydenin sözlərinə görə, hüquq-mühafizə orqanlarının əməkdaşları hazırda hadisənin bütün hallarını aydınlaşdırır, o cümlədən bütün bu məsələləri araşdırırlar.
Qeyd edək ki, Donald Trampa sui-qəsd cəhdi iyulun 13-də axşam saatlarında baş verib. Siyasətçiyə bir neçə dəfə atəş açılıb, bundan sonra qulağı qanlı halda səhnədən çıxarılaraq xəstəxanaya yerləşdirilib. İlkin yardım aldıqdan sonra Tramp xəstəxanadan buraxılıb.
