ABŞ-ın hazırkı prezidenti Co Bayden və keçmiş dövlət başçısı Donald Tramp martın 19-da demokratlar və respublikaçıların bir neçə ştatda keçirdikləri növbəti partiyadaxili seçkilərdə qalib gəlib.
NOCOMMENT.az xəbər verir ki, bu barədə NBC News məlumat yayıb.
Tramp eyni vaxtda beş ştatda – Arizona (43 nümayəndədən 43-ü), İllinoys (64 nümayəndədən 64), Kanzas (39 nümayəndədən 39), Ohayo (79 nümayəndədən 79) və Floridada (125 nümayəndədən 125) irəliləyib. Ümumilikdə, bu ştatlar Amerika prezidenti vəzifəsinə namizəd kimi formal irəli sürülmək üçün tələb olunan 350 nümayəndənin səsi üçün oynayıb.
Demokrat Partiyası da martın 19-da praymeriz keçirib. Co Bayden qalib gəldi. Səsvermə Arizona, İllinoys, Kanzas və Ohayo ştatlarında keçirilib və ümumilikdə 379 nümayəndə iştirak edib.
Praymeriz və kokuslar iyunun əvvəlinə qədər davam edəcək. İyul və avqust aylarında Respublikaçılar və Demokratlar ABŞ prezidentliyinə namizədlərini irəli sürəcəkləri milli qurultaylar keçirəcəklər.
Amerika liderinin seçimi 2024-cü il noyabrın 5-də baş tutacaq. 1912-ci ildən bəri ilk dəfə eks-prezident hazırkı prezidentlə rəqabət aparacaq.
