NOCOMMENT.az Rusiya mətbuatına istinadən xəbər verir ki, BBC İsrailin “Əl-Şifa” xəstəxanasındakı əməliyyatı ilə bağlı Reuters-ə istinadən verdiyi səhvə görə üzr istəyib. Bu barədə Twitter-də məlumat verilib.
Qeyd edildiyi kimi, telekanal səhvən İsrail Müdafiə Qüvvələrinin Qəzza xəstəxanasında tibb işçilərinə hücum etdiyini bildirib.
“Bu, Reuters-in hesabatından yanlış və təhrif olunmuş sitatdır”, – BBC-nin açıqlamasında deyilir.
Bundan əvvəl Ümumdünya Səhiyyə Təşkilatının (ÜST) rəhbəri Tedros Adanom Qebreyesus bildirib ki, ÜST İsrail Müdafiə Ordusunun hərbi əməliyyat keçirdiyi “Əl-Şifa” Xəstəxanasının əməkdaşları ilə əlaqəsini itirib.