BƏƏ Azərbaycanda bu sahəyə investisiya yatırırbackend

BƏƏ Azərbaycanda bu sahəyə investisiya yatırır

  • whatsapp
  • messenger
  • telegram
  • vkontakte
  • odnoklassniki

BƏƏ Azərbaycanda yaşıl enerji sahəsində yeni investisiya layihələrində iştirakda maraqlıdır.

Bu barədə “NOCOMMENT”ə Energetika Nazirliyindən bildirilib.

Məlumata görə, energetika naziri Pərviz Şahbazovun “Ümumdünya Kommunal Xidmətlər Konqresi” çərçivəsində Abu-Dabidə Birləşmiş Ərəb Əmirliklərinin sənaye və qabaqcıl texnologiyalar naziri, Abu-Dabi Milli Neft Şirkətinin idarəedici direktoru, “Masdar” şirkətinin sədri Sultan Əhməd Əl Caber ilə görüşündə bu ilin mart ayında təməli qoyulan Qaradağ Günəş Elektrik Stansiyasının icrası, Qarabağ bölgəsində, həmçinin Xəzər dənizində, o cümlədən sahilə yaxın adalarda külək və günəş enerjisi layihələri, yaşıl hidrogen və enerji səmərəliliyi üzrə əməkdaşlıq məsələləri müzakirə edilib.

Azərbaycanın yaşıl enerji kursunun həyata keçirilməsində Birləşmiş Ərəb Əmirlikləri və onun qlobal nüfuza malik “Masdar” şirkəti ilə tərəfdaşlıqdan məmnunluq ifadə edilib. Qaradağ Günəş Elektrik Stansiyasının iki ölkə arasında yeni əməkdaşlıq əlaqələrinə yol açdığı qeyd edilib. “Masdar”ın Azərbaycanda irihəcmli külək və günəş enerjisi üzrə investiya layihələrində iştirakda maraqlı olduğu bildirilib.

Söhbət zamanı yaşıl investisiya imkanları ətrafında fikir mübadiləsi aparılıb.