Belarusda saxlanılan Yaponiya vətəndaşı Masatoşi Nakanişi məxfi fəaliyyətdə ittiham olunub.
NOCOMMENT.az xəbər verir ki, bunu Belarus-1 telekanalının efirində Belarus Dövlət Təhlükəsizlik Komitəsinin (DTK) istintaq şöbəsinin rəhbəri Konstantin Bıçek bildirib.
Qeyd olunur ki, Nakanişi DTK-nın istintaq təcridxanasında saxlanılır, “o, istintaqla fəal əməkdaşlıq edir və qanunsuz fəaliyyəti ilə bağlı ətraflı ifadələr verir”.
Bundan əvvəl Belarus ərazisində yapon kəşfiyyatçısının saxlandığı barədə məlumat yayılmışdı. Agent ölkədəki ictimai-siyasi vəziyyət haqqında məlumat toplayır, hərbi infrastrukturun fotolarını çəkir və Ukrayna ilə sərhəddə baş verənlərlə bağlı məlumat toplayırdı. Yaponiya səfirliyi Yaponiya vətəndaşının Belarus ərazisində saxlanılması faktını təsdiqləyib.
