Beyləqanda yol qəzası baş verib

6 dekabr tarixində Beyləqan rayon ərazisində baş vermiş yol qəzasında xəsarət alanlar Bakıya göndərilib.

NOCOMMENT.az xəbər verir ki, qəza zamanı xəsarət alan sürücü 1968-ci il təvəllüdlü Namazəliyev Rövşən Bəylər oğlu və avtomobildə olan sərnişin 1972-ci il təvəllüdlü Məmmədov Hafiz Ataxan oğlu paytaxtda yerləşən xəstəxanalardan birinə göndərilib.

Qeyd edək ki, ötən gün baş verən qəza zamanı avtomobildə olan sərnişin Nizami Məmmədov isə hadisə yerindən həyatını itirib.

***

06.12.2025-ci il tarixdə saat 19:00 radələrində Beyləqan rayonunda avtoqəza hadisəsi səbəbilə 2 nəfər (kişi) Beyləqan Rayon Mərkəzi Xəstəxanasına hospitalizasiya olunub.

NOCOMMENT.az xəbər verir ki, bu barədə Beyləqan Rayon Mərkəzi Xəstəxanası məlumat yayıb.

1968-ci il təvəllüdlü şəxsə və 1972-ci il təvəllüdlü şəxsə kəllə beyin travması, komatoz vəziyyət diaqnozu təyin olunub.

Xəsarət alan şəxslərin müalicəsi isə Beyləqan Rayon Mərkəzi Xəstəxanasında davam etdirilir. Vəziyyətləri ağır olaraq qiymətləndirilir.

Hadisə nəticəsində 1 nəfərin həkiməqədər ölüm faktı qeydə alınıb.

*** 21:09

Beyləqanda ölüm və və xəsarətlə nəticələnən yol qəzası baş verib.

NOCOMMENT.az xəbər verir ki, hadisə rayon ərazisində qeydə alınıb.

Belə ki, “Mercedes” markalı minik maşını idarəetməni itirərək yol kənarında aşıb.