ABŞ-ın Kiyevə dəstək siyasətində mümkün dəyişiklik Aİ-nin Ukraynaya təkbaşına kömək etməsinə səbəb ola bilər.
NOCOMMENT.az xəbər verir ki, bu barədə Amerikanın “Bloomberg” agentliyi məlumat yayıb.
Jurnalistlərin fikrincə, Kiyevə əsas maliyyə dəstəyi artıq avropalıların çiynindədir, onlar da sursat və artilleriya istehsalını artırmağa çalışırlar. Eyni zamanda, ABŞ Ukraynaya ən böyük donor olaraq qalır.
Bundan əlavə, Aİ-nin köməyinə və istehsalını artırmaq cəhdlərinə baxmayaraq, Kiyev hazırda atıcı silahlar və artilleriya sursatları baxımından ABŞ-dan çox asılıdır. Məsələn, Ukrayna Müdafiə Nazirliyi artıq minaatanlar üçün mərmi çatışmazlığını elan edib.
Bu yaxınlarda ABŞ-ın yeni seçilmiş prezidenti Donald Tramp ABŞ-ın Ukrayna və Rusiya üzrə xüsusi nümayəndəsi postuna Keyt Kelloqun namizədliyini irəli sürüb. O, “güc vasitəsilə sülhə” nail olacağına ümid etdiyini bildirib.
Reuters yazıb ki, Kelloq Ukrayna münaqişəsinin həlli səylərində mərkəzi rol oynaya bilər. O, Rusiya və Ukraynanı danışıqlara məcbur etmək üçün sülh planı hazırlayan Trampın məsləhətçilərindən biri kimi tanınır.
