Bloomberg.com Azərbaycan əleyhinə məqalə yayımlayıb.
NOCOMMENT.az xəbər verir ki, məqalədə “Dağlıq Qarabağdakı böhran diqqətdən kənarda qalmamalıdır. O, artıq həyati vacib və artan qlobal enerji mənbəyi olan regionda sabitliyi pozur. Azərbaycan və Ermənistan arasında gərginliyin artması sərhəd toqquşmalarını gücləndirə, Qərb mərkəzli bir demokratiya olan Ermənistanın suverenliyinə təhlükə yarada bilər. Qərb hər bir uzaq münaqişəyə müdaxilə edə bilməsə də etnik təmizləməyə qarşı geri çəkilməmək Rusiya və Çin kimi ölkələrə hərbi hücumların və beynəlxalq normaların pozulmasının cəzasız qalacağı mesajını verəcək” ifadələri işlənib.
Məqalənin geri qalanında bildirilir ki, Sentyabrın 19-da Azərbaycan ordusu bölgəni birdəfəlik geri almaq üçün uğurlu hərbi əməliyyata başlayıb. “Özünüidarəetmə orqanı və institutları ləğv edildi. İnsan haqları qrupu Azərbaycan bu fürsətdən istifadə edərək bütün erməniləri öz tarixi vətənləri hesab etdikləri Dağlıq Qarabağdan qova biləcəyini bildirdi. Əksər göstəricilərə görə bu artıq baş verir. 120 mindən çox region əhalisinin ən azı yarısı Ermənistana qaçıb, onlarla insanın oradan çıxmaq istəyərkən həlak olduğu güman edilir. Bu humanitar fəlakətlə yanaşı, böhranın genişlənməsi Avropanın Rusiyanın Ukraynaya təcavüzündən sonra mühüm alternativ enerji mənbəyinə çevrilmiş Azərbaycandan asılılığına səbəb olur”.
