BMT-nin baş katibi Antonio Quterreş hesab edir ki, Qəzza zolağında aclığın yayılması insan tərəfindən törədilən fəlakətdir və onun cəzasız qalmasına icazə vermək olmaz.
NOCOMMENT.az BMT-nin baş katibi Qəzzada baş verən qıtlıqla bağlı açıqlamasında “Bu [Qəzzada aclıq] sirr deyil – bu, süni fəlakətdir” dedi.
Quterreşin sözlərinə görə, İsrailin “beynəlxalq hüquq çərçivəsində aydın öhdəlikləri var, o cümlədən əhalini ərzaq və dərmanla təmin etmək vəzifəsi”. “Biz bu vəziyyətin cəzasız qalmasına imkan verə bilmərik”, – deyə baş katib əlavə edib və Qəzzada münaqişə tərəflərini dərhal atəşi dayandırmağa, bütün girovları azad etməyə və humanitar təşkilatların Fələstin anklavına maneəsiz çıxışını təmin etməyə çağırıb.
Bundan əvvəl BMT-nin dəstəklədiyi qida təhlükəsizliyi monitorinq mexanizminin İnteqrasiya edilmiş Qida Təhlükəsizliyi Faza Təsnifatı (IPC) ekspertləri Fələstin anklavının şimalındakı Qəzza əyalətindəki vəziyyəti ilk dəfə olaraq rəsmi olaraq aclıq kimi qiymətləndirmişdilər.
Avqustun 21-də anklavın mətbuat xidməti bildirib ki, son 3,5 həftə ərzində Qəzza zolağına humanitar yardım daşıyan cəmi 2000-ə yaxın yük maşını daxil olub ki, bu da anklav əhalisinin ehtiyac duyduğu tədarük həcminin 15%-dən azdır. Məlumata görə, son 25 gün ərzində Qəzzaya humanitar yardım daşıyan ən azı 15 min avtomobil gəlib, ancaq zolağa yalnız 2187 yük maşını buraxılıb.
