BMT-nin səkkiz eksperti Avropa Futbol Assosiasiyaları Birliyi (UEFA) və Beynəlxalq Futbol Federasiyaları Assosiasiyası (FIFA) qarşısında İsrail klublarını və milli komandalarını beynəlxalq yarışlardan kənarlaşdırmaq tələbi ilə müraciət edib.
NOCOMMENT.az xəbər verir ki, bu barədə jurnalist Xose Luis Morales X sosial media platformasında yazıb.
Onun məlumatına görə, BMT ekspertləri İsrailin Fələstin ərazilərindəki hərəkətlərinə cavab olaraq ölkənin komandalarının diskvalifikasiyasını tələb edirlər.
21 sentyabr tarixində artıq məlumat yayılıb ki, UEFA 23 sentyabrda İsrail komandalarını öz turnirlərindən kənarlaşdırmaq niyyətindədir. Bununla belə, İsrail nümayəndələri məsələnin səsverməyə çıxarılmasının qarşısını almağa çalışır, çünki Avropa ölkələrinin böyük əksəriyyəti kənarlaşdırmanı dəstəkləyəcək. Əgər səsvermə keçirilərsə, İsrail milli komandası 2026 Dünya Çempionatı seçmə mərhələsindən kənarlaşdırılacaq, Təl-Əvivin “Makkabi” klubu isə Avropa Liqasından çıxarılacaq.
