Dünyanın diqqəti Yaxın Şərq və Ukrayna savaşına yönəldiyi vaxtda BMT rəsmisi Sudandakı vəziyyətlə bağlı çağırış edib.
NOCOMMENT.az “Anadolu Agentliyi”nə istinadən xəbər verir ki, bu barədə Beynəlxalq Miqrasiya Təşkilatınının baş direktoru müraciət edib.
Qurum rəsmisi müharibə nəticəsində 6 milyon insanın məcburi köçkün vəziyyətinə düşdüyünü, 1.7 milyonunun isə digər ölkələrə qaçdığını bildirib.
Baş direktor humanitar yardıma ehtiyac olduğunu deyib və beynəlxalq ictimaiyyəti Sudan vətəndaşlarına maliyyə yardımı etməyə səsləyib.
