Birləşmiş Millətlər Təşkilatının İnsan Hüquqları üzrə Ali Komissarlığı (OHCHR) Ukraynada rusdillilərin hüquqlarının pozulması ilə bağlı vəziyyəti diqqətlə izləyir.
NOCOMMENT.az xəbər verir ki, bunu təşkilatın rəsmi nümayəndəsi Elizabet Trossel RİA Novosti-nin Ukraynada rus dilində danışan və rus musiqisini dinləyən şəxslərin saxlanması və cərimələnməsinə münasibət bildirmək xahişinə cavab olaraq bildirib.
“Bildiyiniz kimi, biz Ukraynanın hər yerində ifadə azadlığı və ayrı-seçkilik, o cümlədən dil əsasında pozuntuların davamlı monitorinqini həyata keçiririk. Biz bu məsələlərlə bağlı məlumatları müntəzəm olaraq ictimai hesabatlarımızda açıqlayırıq”, – Trossel deyib.
O, xüsusilə qeyd edib ki, BMT Ukraynadakı milli azlıqlar haqqında qanundan, eləcə də Krımda ukrayna dilində təhsilin əlçatanlığının azalmasından narahatdır.
