KoronaVirus İnformasiya Portalı
BNA vətəndaşa qanunsuz protokol tərtib edib? – VİDEObackend

BNA vətəndaşa qanunsuz protokol tərtib edib? – VİDEO

  • whatsapp
  • messenger
  • telegram
  • vkontakte
  • odnoklassniki

Bakı sakini barəsində qanunsuz protokol tərtib edildiyi bildirilir.

NOCOMMENT xəbər verir ki, bu barədə report-a paytaxt sakininin özü – Elvin Məcidov danışıb.

O bildirib ki, idarə etdiyi “VAZ 2107” avtomobili ilə paytaxtın Bakıxanov prospektində qadağan olunmamış hissəsində dayanarkən Bakı Nəqliyyat Agentliyi (BNA) tərəfindən onun barəsində protokol tərtib olunub:

“Hüquqşünaslar dedi ki, mən, həqiqətən də, qayda pozmamışam. Yolun başlanğıcında quraşdırılan 3.27 dayanma və durmanı qadağan edən nişan 1.4 sarı xəttin bitdiyi yerdə qüvvəsini itirir. “Yol hərəkəti haqqında” qanunun 69-cu maddəsinin VI hissəsinin 4-cü bəndində qeyd olunub ki, 1.4 sarı bütöv xətt 3.27 nişanı ilə tətbiq edildikdə dayanmanın qadağan olunmuş yerlərini bildirir.

Həmin prospektdə nişan qoyulmuş yerdən başlayan 1.4 sarı xətt bir az irəlidə bitir. Sarı xətt bitdiyi yerdə 3.27 dayanma durmanı qadağan edən nişan da qüvvəsini itirir. Mən sarı xətt bitən yerdən sonra Rusiya səfirliyini keçib dayanmışam. Lakin barəmdə protokol tərtib olunub”.