Rumıniya öz sülhməramlılarını Ukraynaya göndərməyi müzakirə etməyə hələ hazır deyil, lakin o, Avropa sülhməramlı missiyası üçün mərkəz kimi öz xidmətlərini təklif edə bilər.
NOCOMMENT.az xəbər verir ki, bu barədə ölkənin müvəqqəti prezidenti İlie Bolojan cümə günü keçirdiyi brifinqdə məlumat verib.
Onun sözlərinə görə, Rumıniyanın sülhməramlı missiyada iştirakı məsələsini müzakirə etmək hələ tezdir – ən azı Ukraynada münaqişənin qaynar mərhələsi dayandırılana qədər. Üstəlik, ölkə parlamentinin bu məsələdə vahid mövqeyi yoxdur.
“Biz logistika mərkəzi kimi kömək edə bilərik. Bu, sülhməramlı missiyaları uğurla yerinə yetirmək üçün nəqliyyat, yaşayış və rabitə kimi maddi-texniki dəstəyin təmin edilməsini əhatə edə bilər”, – RİA Novosti Bolojandan sitat gətirir.
O, həmçinin qeyd edib ki, Avropa Şurasının martın 6-da baş tutacaq və Ukraynaya dəstəyin müzakirə olunacağı iclasında da bu mövqeyə sadiq qalacaq.
