Avropa ölkələrini bürüyən güclü “Boris” qasırğası daha iki nəfərin həyatına son qoyub.
NOCOMMENT.az bildirir ki, The Guardian tüğyan edən fəlakətin nəticələri haqqında yazır .
Avropada tüğyan edən pis havanın qurbanlarının ümumi sayı səkkizə çatıb. Daha dörd nəfər Çexiyada itkin düşənlər siyahısındadır.
“Boris” qasırğası sentyabrın 12-dən Mərkəzi və Şərqi Avropada tüğyan edir. Güclü yağışlar nəticəsində bir neçə çayın məcrasından çıxması və qonşu yaşayış məntəqələrini su basması təhlükəsi yaranıb. Avstriyada Vyana və Polşada Biala çaylarında suyun səviyyəsi təhlükəli həddə çatıb. Polşanın Klodzko şəhəri qismən su altında qalıb – yerli çayda suyun səviyyəsi daşqın 56 nəfərin həyatına son qoyduğu 1997-ci ildəki rekordu keçib. Daşqın Polşa və Çexiya sərhədində yerləşən Qolkowitse kəndini də təhlükə altına qoyub. Dunay da rekordu yeniləyə bilər: onun suyu 8,91 metrə yaxınlaşır, Macarıstan hakimiyyəti narahatdır.
Polşada bir neçə avtomobil yolu bağlanıb, Prudnik və Nisa şəhərləri arasında qatarların hərəkəti də dayandırılıb. Avstriyada dəmir yolu xidmətləri də məhduddur; Vyanada bir neçə metro xətti bağlanıb. Şiddətli daşqınların məngənəsində olan Aşağı Avstriya fəlakət zonası elan edilib və ötən gecə əyalətdə 5000 xilasetmə əməliyyatı aparılıb. Fırtınadan ən çox təsirlənən Rumıniyanın bölgəsi olan Galati şəhərində 5 min ev ziyan gördü. Slovakiyanın paytaxtı Bratislavada fövqəladə vəziyyət elan edilib . Ötən həftə 30 dərəcə istidən sonra Tirolda təxminən bir metr qar yağıb.
Bundan əvvəl Çində dağıdıcı tayfun barədə məlumat verilmişdi . Hava fenomeni “Bebinka” adlandırıldı və 75 illik rekordu qırdı. Sentyabrın əvvəlində ölkənin cənubunu Yagi adlı daha bir super tayfun vurdu.
