Yer kürəsində temperaturun artması ilə əlaqədar ciddi iqlim dəyişiklikləri baş verəcək.
NOCOMMENT.az xəbər verir ki, bu barədə Nature jurnalında dərc olunan araşdırmada məlumat veriləcək .
Beynəlxalq alimlər qrupunun fikrincə, insan səbəb olduğu iqlim dəyişikliyi Yerin ekosisteminin böyük komponentlərini qeyri-sabitləşdirə bilər. Bunlara, məsələn, Amazon tropik meşələri və Arktika və Antarktidanın buzlaqları daxildir. Mütəxəssislər qeyd ediblər ki, hazırkı iqlim meylləri davam edərsə, “dönmə nöqtəsi” riski 45 faizə yaxınlaşacaq.
Müəlliflər qeyd ediblər ki, 1,5 dərəcə həddi keçdikdən sonra temperaturun hər 0,1 dərəcə artması ilə belə inkişafın riski artacaq. Araşdırmanın həmmüəllifi Annika Ernest Hegner, mövcud iqlim meyllərini nəzərə alsaq, əsrin sonuna qədər Yer kürəsində temperaturun 2,6 dərəcə yüksələcəyini proqnozlaşdırıb.
Həmmüəllif Tessa Moeller bildirib ki, riskləri effektiv şəkildə məhdudlaşdırmaq üçün bəşəriyyət sıfır istixana qazı emissiyalarına nail olmalı və saxlamalıdır. Bununla belə, hazırda Yer sistemlərini öyrənmək üçün istifadə edilən müasir modellər hələ gələcəyi tam olaraq proqnozlaşdırmaq iqtidarında deyil.
