Braziliya hakimiyyəti, ABŞ tərəfindən ölkəyə qarşı tətbiq olunan rüsumlarla bağlı Ümumdünya Ticarət Təşkilatının (ÜTT) ekspertləri ilə məsləhətləşmələr aparmağı planlaşdırır.
NOCOMMENT.az xəbər verir ki, bu barədə Associated Press (AP) agentliyi Braziliya hökumətindəki mənbəyə istinadən məlumat yayıb.
“Braziliya prezidenti Luis İnasio Lula da Silva ÜTT-yə müraciət etmək qərarını, ABŞ prezidenti Donald Tramp tərəfindən bir çox Braziliya ixrac məhsullarına tətbiq olunan 50 faizlik rüsumlar qüvvəyə mindiyi gün qəbul edib”, – məqalədə bildirilir.
Nəşrin mənbəsi qeyd edib ki, ÜTT-yə müraciətin müsbət nəticə verəcəyi inandırıcı deyil, çünki təşkilatın özü ciddi şəkildə islahata ehtiyac duyur.
