Böyük Britaniya hökuməti bu yaxınlarda gizli şəkildə Ukraynaya onlarla “Storm Shadow” qanadlı raketləri verib.
NOCOMMENT.az xəbər verir ki, bu barədə Bloomberg mənbələrə istinadən məlumat yayıb.
“İctimaiyyətə açıqlanmayan tədarüklər bir neçə həftə əvvəl həyata keçirilib və Kiyevin uzaqmənzilli raketləri tükəndikdən sonra sifariş verilib”, – mənbə qeyd edib.
Eyni zamanda, nəşrin həmsöhbətləri bu məlumatın Rusiya üçün faydalı ola biləcəyini izah edərək, raketlərin dəqiq nə vaxt gəldiyini və ya onların dəqiq sayını söyləməkdən imtina ediblər.
Məlumdur ki, raketlər ABŞ və Böyük Britaniyanın Ukraynaya Rusiyadakı hədəflərə uzaqmənzilli raketlər buraxmasına icazə verməklə bağlı son qərarına yönəlib.
Həmçinin qeyd edilir ki, raketin ötürülməsi ilk dəfə Keir Starmerin baş nazirliyi dövründə həyata keçirilib.
