Hava hücumundan müdafiə sistemləri Bryansk vilayəti üzərində Ukraynaya məxsus pilotsuz təyyarəni vurub.
NOCOMMENT.az xəbər verir ki, bölgənin qubernatoru Aleksandr Boqomaz bu barədə öz Telegram kanalında danışıb.
“Rusiya Müdafiə Nazirliyinin hava hücumundan müdafiə qüvvələri ukraynalı terrorçuların hücumunu dayandırıb. Suzema bölgəsi üzərində təyyarə tipli pilotsuz uçuş aparatı məhv edilib”, – deyə o yazıb.
Boqomazın sözlərinə görə, indi məlum olub ki, itki və dağıntı yoxdur. Ərazidə regional əməliyyat və təcili yardım xidmətləri fəaliyyət göstərir.
Yanvarın 16-na keçən gecə Müdafiə Nazirliyi Voronej vilayəti üzərində Ukraynaya məxsus pilotsuz təyyarələrin məhv edilməsi barədə məlumat yayıb.
