Bryansk vilayətinin ərazisi üzərində Rusiya hava hücumundan müdafiə qüvvələri iki təyyarə tipli pilotsuz uçuş aparatını məhv edib.
NOCOMMENT.az xəbər verir ki, bu barədə regionun qubernatoru Aleksandr Boqomaz öz Telegram kanalında məlumat verib.
“Rusiya Müdafiə Nazirliyinin hava hücumundan müdafiə bölmələri tərəfindən daha iki təyyarə tipli pilotsuz uçuş aparatı aşkar edilərək məhv edilib”, – qubernator gecə yarısı dərc olunan bəyanatında bildirib.
Rayon rəhbəri tələfat və dağıntı olmadığına əmin edib. Hazırda hadisə yerində fövqəladə və operativ xidmətlər fəaliyyət göstərir, deyə o, davam edib.
