Şimali Makedoniya tarixində ilk dəfə qadın prezident seçilib.
NOCOMMENT.az xəbər verir ki, ölkənin aparıcı müxalifət partiyası olan “Makedoniya Milli Birliyinin Demokrati Partiyası”nın namizədi Qordana Silyanovska-Davkova mayın 8-də keçirilən prezident seçkisinin ikinci turunda səslərin 99,75 %-ni emalından sonra 65,14 %-lə öndədir.
Ölkənin Dövlət Seçki Komissiyasının məlumatına əsasən, seçicilərin 29,25 %-i “Makedoniya Sosial Demokrat İttifaqı”nın dəstəklədiyi hazırkı prezident Stevo Pendarovskiyə səs verib. Qordana Silyanovska-Davkova artıq mətbuat konfransı keçirib.
O, seçicilərə dəstəyə görə təşəkkür edib və bu andan etibarən respublikanın bütün vətəndaşlarının prezidenti kimi çıxış edəcəyini bəyan edib.
