Rusiya ordusunun Ukraynanın Buça şəhərində törətdiyi qətliamın yeni görüntüləri üzə çıxıb.
NOCOMMENT xəbər verir ki, bununla bağlı “Nyu York Tayms” nəşri məlumat yayıb.
Görüntülərdə 8 ukraynalı sakinin rus hərçilər tərəfindən girov saxlanılması anı əks olunub. Videonun 4 mart tarixində çəkildiyi bildirilir.
Nəşrin yaydığı məlumata görə, həmin 8 mülki şəxs video çəkilişdən sonra amansızlıqla qətlə yetiriliblər.
Qeyd edək ki, Rusiya qoşunlarının hücumları nəticəsində Buçada 400-dən çox mülki sakin öldürülüb. Ukrayna tərəfi Rusiyanın törətdiyi qətliamı soyqırımı kimi qiymətləndirib. Moskva isə iddiaları rədd edərək, Buçada qətliam törətmədiklərini bildirib.
