Əhəmiyyətli sayda ölkələrin ABŞ valyutasından asılılığını azaltmaq istəyinə baxmayaraq, ABŞ dolları qlobal ticarətdə üstünlük təşkil etməkdə davam edir.
NOCOMMENT.az bu barədə Beynəlxalq Valyuta Fondunun (BVF) geosiyasətin dünya ticarətinə təsiri haqqında dərc olunmuş hesabatına istinadən məlumat yayıb.
Sənədə əsasən, geosiyasi risklərin artmasına baxmayaraq, son məlumatlar ABŞ dollarının dünyada dominant mövqedə qaldığını göstərir. Beləliklə, o, qlobal ticarət maliyyəsinin 80%-dən çoxunu təşkil edir.
BVF-nin məlumatına görə, əmtəə ticarətinin əksəriyyəti dollarla ödənilir və bu, ABŞ valyutasının üstünlüyünə töhfə verir, baxmayaraq ki, bəzi ölkələr beynəlxalq əməliyyatlarında və ehtiyatlarında dollardan ağır asılılığını aradan qaldırmağa çalışırlar.
