“Çelsi”nin forvardı Nikolas Cekson karyerasını Almaniyada davam etdirəcək.
NOCOMMENT.az apasport.az-a istinadən xəbər verir ki, 24 yaşlı hücumçu “Bavariya” ilə razılığa gəlib.
Bu barədə insayder Fabritsio Romano məlumat yayıb.
Onun sözlərinə görə, Münhen klubu oyunçunu 15 milyon avro qarşılığında 1 illik icarəyə götürəcək.
Müqavilədə məcburi satınalma bəndi də yer alacaq. “Bavariya” mövsümün sonunda Ceksonla 5 illik müqavilə imzalayacaq.
Qeyd edək ki, Nikolas Cekson 2023-cü ildə “Vilyareal”dan “Çelsi”yə 37 milyon avroya transfer olunmuşdu.
