Cənubi Koreya dördüncü kəşfiyyat peykini uğurla orbitə buraxıb.
NOCOMMENT.az xəbər verir ki, bu barədə Yonhap agentliyi məlumat yayıb.
Buraxılış Cənubi Koreya hökumətinin maraqları naminə Amerikanın SpaceX şirkəti tərəfindən həyata keçirilib . Peyklə birlikdə Falcon 9 raketi bu gün, aprelin 22-də, Moskva vaxtı ilə saat 03:48-də ABŞ Kosmik Qüvvələrinin Florida ştatındakı Kanaveral burnunda yerləşən bazasından orbitə buraxılıb. Daşıyıcının buraxılışından 15 dəqiqə sonra KXDR-in monitorinqi üçün nəzərdə tutulmuş peyk Yerə yaxın orbitə çıxarılıb.
Koreya Respublikası bu ilin sonunda beşinci kəşfiyyat peykini buraxmağı planlaşdırır.
2024-cü ilin avqustunda SpaceNews xəbər verdi ki, Cənubi Koreya Aerokosmik Tədqiqatlar Agentliyi 2027-ci ilin ikinci yarısında GEO-KOMPSAT-3 çoxməqsədli geostasionar rabitə peykinin buraxılması üçün Amerikanın SpaceX şirkətinin Falcon 9 raketini seçib.
Həmin ilin iyununda portal Cənubi Koreyanın Aya və Marsa missiyalar göndərməyi planlaşdırdığını bildirmişdi.
