Cənubi Koreya mart ayında Rusiyadan alüminium alışını əhəmiyyətli dərəcədə artırıb.
NOCOMMENT.az xəbər verir ki, bu barədə RİA Novosti Cənubi Koreyanın statistika agentliyinə istinadən məlumat yayıb.
Mövcud məlumatlara görə, 2024-cü ilin mart ayında Cənubi Koreya 90,9 milyon dollar dəyərində 39,1 min ton Rusiya alüminiumu idxal edib ki, bu da fiziki və pul baxımından fevral ayı göstəricilərini 43% üstələyir.
Bunun sayəsində Rusiya Avstraliya və Hindistanı lider mövqedən sıxışdıraraq Cənubi Koreyanın əsas alüminium tədarükçüsünə çevrilib.
Məqalədə qeyd edilir ki, mart tədarükləri 2012-ci ilin iyunundan bəri ən yüksək həddə çatıb. Ekspert Yevgeni Mironyukun sözlərinə görə, Rusiyadan tədarükün bu qədər artması alüminiumun dünya qiymətlərinin artması ilə bağlıdır.