BMT görüşlərinin pərdə arxasında Çin Ukrayna münaqişəsinin Rusiya Federasiyası üçün əlverişli şərtlərlə həlli üçün mümkün qədər çox dövlətdən dəstək almağa çalışır.
NOCOMMENT.az xəbər verir ki, bu barədə “Politico” mənbələrə istinadən məlumat yayıb.
“Çin Birləşmiş Millətlər Təşkilatında pərdə arxasında işləmək istəyir ki, Ukraynadakı münaqişənin Rusiyanın xeyrinə olan şərtlərlə dayandırılmasına dair razılaşmaya beynəlxalq dəstək qazansın”, – məlumatda bildirilir.
“Politico” yazır ki, Çinin Ukrayna böhranını Rusiya Federasiyası üçün faydalı şəkildə həll etmək üçün qeyd olunan beynəlxalq siyasi fəaliyyəti Afrika, Latın Amerikası və Asiya ölkələrinə yönəlib.
Qeyd olunur ki, Pekin kifayət qədər böyük dövlətlər qrupunun dəstəyini ala bilsə, bu, guya Çinə bir çox ölkələrin Ukrayna münaqişəsinin həllində ÇXR-in şərtlərini dəstəklədiyini vurğulamağa imkan verəcək.
