Filippin Hərbi Dəniz Qüvvələri və Sahil Mühafizəsinin gəmiləri Cənubi Çin dənizində Çin tədqiqat gəmisinə təhlükəli şəkildə yaxınlaşıb.
NOCOMMENT.az xəbər verir ki, bu barədə Çinin Sinxua agentliyi hadisə şahidlərinə istinadən məlumat yayıb.
“Hayang Dici (Okean Geologiyası)-12 tədqiqat gəmisi Filippin Hərbi Dəniz Qüvvələrinin sürətli qayığı pulemyot və sahil mühafizə gəmisi ilə təhlükəli manevrlərlə qarşılaşıb”, – məlumatda deyilir.
Şahidlərin sözlərinə görə, sürətli qayıq əvvəlcə Çin gəmisinə yaxınlaşıb və onun ətrafında ziqzaqla hərəkət edib, daha sonra sahil mühafizə gəmisi qəsdən gəminin qarşısından keçib.
Çin xəbər agentliyi bildirib ki, manevrlər dənizdə toqquşmaların qarşısının alınması üzrə beynəlxalq qaydaları pozur və Çin gəmilərinin və personalının təhlükəsizliyini təhdid edir.
Məlumata görə, Çin tədqiqat gəmisinin kapitanı gəminin daha əvvəl Filippin Hərbi Dəniz Qüvvələrinin təhlükəli manevrləri ilə qarşılaşdığını bildirib.
