Çin texnologiya şirkəti QBoson Çində ilk fotonik kvant kompüteri zavodunun tikintisinə başlayıb.
NOCOMMENT.az Sinxua-ya istinadən xəbər verir ki, təməl Çinin cənubundakı Quanqdonq əyalətinin Şençjen şəhərində qoyulub .
Zavodun hər il hesablamalar üçün işığın kvant xassələrindən istifadə edən onlarla kompüter istehsal edəcəyi gözlənilir. Bu istehsal bazası xüsusi avadanlıqların kütləvi istehsalına imkan verəcək.
QBoson-un qurucusu Wen Kay’a görə, kvant hesablama böyük informasiya tutumuna və ultra yüksək hesablama gücünə malikdir ki, bu da bəzi mürəkkəb hesablama problemlərini eksponent olaraq sürətləndirə bilər. O, əlavə edib ki, fotonik kvant hesablamaları üçün ultra aşağı temperatur tələb olunmur, belə kompüterlər otaq temperaturunda stabil işləyir.
Tikilməkdə olan zavodda avadanlıqlar oktyabrın sonuna kimi quraşdırılacaq.
