Çin Livanı ölkənin suverenliyini və təhlükəsizliyini qorumaqda qətiyyətlə dəstəkləyir.
NOCOMMENT.az xəbər verir ki, bu barədə Çinin xarici işlər naziri Van Yi BMT Baş Assambleyası çərçivəsində Livanın xarici işlər naziri vəzifəsini icra edən Abdullah Bu Həbiblə görüşdə bildirib.
“Çin suverenliyi, təhlükəsizliyi və milli ləyaqətini qorumaqda Livanı qətiyyətlə dəstəkləyir”, – nazir vurğulayıb.
Vanq Yinin sözlərinə görə, Pekin ərəb ölkələri, o cümlədən Livanla münasibətdə ədaləti dəstəkləmək siyasətinə sadiq qalmaq niyyətindədir.
Çin Xarici İşlər Nazirliyinin rəhbərinin qeyd etdiyi kimi, ÇXR peycerlərin və digər rabitə vasitələrinin partlayışlarından sonra regionda vəziyyətin inkişafını diqqətlə izləyir.
