Çin “Tianhui 5-02” Yerin məsafədən zondlanması peykini uğurla orbitə çıxarıb.
NOCOMMENT.az xəbər verir ki, bu barədə “Zhongguo Hantianbao” qəzeti məlumat yayıb.
Bildirilir ki, qurğu Pekin vaxtı ilə saat 06:49-da (Moskva vaxtı ilə 01:49) Tayyuan kosmodromundan (Şansi əyalətinin şimalı) dəyişdirilmiş CZ-6 raketindən istifadə etməklə buraxılıb. Qeyd olunur ki, bu, “Long March” tipli daşıyıcı üçün 527-ci buraxılış olub.
Çin coğrafi məlumatların ötürülməsi, torpaq siyahıyaalınması və tədqiqatlar üçün Tianhui 5-02-dən istifadə etməyi planlaşdırır.
