“Çin və ABŞ siyasi birliyinin olması bütün dünya üçün vacibdir”.
NOCOMMENT.az xəbər verir ki, bunu Çin Kommunist Partiyası mərkəzi komitəsinin rəsmisi Liu Yançao deyib.
Bu il Çin və ABŞ arasında diplomatik əlaqələrin 45 illiyinin qeyd olunduğunu deyən dövlət rəsmisi, Pekin və Vaşinqton arasındakı münasibətlərin inkişafının bütün dünyaya böyük fayda verəcəyini vurğulayıb:
“Bu il Çin və ABŞ arasında diplomatik əlaqələrin 45 illiyi qeyd olunur. Geriyə nəzər saldıqda görürük ki, bu münasibətlər iki xalqa və dünyanın digər xalqlarına çox böyük faydalar gətirib. Dünya təlatüm və transformasiya dövrünə qədəm qoyduqca, bütün ölkələrin insanları daha çox qlobal problemlərin həllində və daha çox ictimai sərvət təklif etməkdə liderlik edəcək Çin və ABŞ-yə ümid edir. Çin öz öhdəliklərini göstərmək və bəşəriyyətin tərəqqisinə yeni töhfələr vermək üçün Birləşmiş Ştatlar ilə işləməyə hazırdır”.
