Çin və Rusiya texnoloji mütəxəssisləri şirnikləndirmək üçün Silikon Vadisində “seks casuslarından” istifadə edir.
NOCOMMENT.az xəbər verir ki, bu barədə “The Times” yazır.
Nəşrin məlumatına görə, Silikon Vadisinə qarşı kibercasusluq fəaliyyəti xeyli artıb. Çin və Rusiya texnologiya mütəxəssislərini cəzb etmək, hətta onlarla evlənmək və uşaq sahibi olmaq üçün cazibədar qadınları Silikon Vadisinə göndərir.
Çin və Rusiyadan olan əməliyyatçılar “bal tələsi” metodlarından getdikcə daha çox istifadə edirlər – sosial media, xüsusən də LinkedIn vasitəsilə gənc qadınların cəlbedici profillərindən istifadə edərək mütəxəssisləri сasusluğa cəlb etməyə çalışırlar.
“Pamir Consulting”in kəşfiyyat üzrə baş analitiki Ceyms Malvenon nəşrə təsdiqləyib ki, o, belə cəhdlərin hədəfi olub. “Mən eyni tipli cazibədar gənc çinli qadınlardan çox mükəmməl LinkedIn sorğuları alıram. Onlar son vaxtlar xüsusilə fəaldırlar”, – Malvenon deyib.
30 ildən artıqdır ki, casusluğu araşdıran Mulvenon hesab edir ki, “bal tələsi” taktikası ABŞ üçün ciddi zəiflik yaradır, çünki Amerika hüquq sistemi oxşar üsullardan istifadəni nəzərdə tutmur, rəqiblərə asimmetrik üstünlük verir.
Onun sözlərinə görə, “seks müharibəsi” ilə yanaşı, əks-kəşfiyyat mütəxəssisləri digər fəaliyyət formalarını da sənədləşdiriblər: “Konkret olaraq, Çin məxfi biznes planlarına çıxış əldə etmək üçün ABŞ-da startap müsabiqələri təşkil edir və həmçinin Amerika texnologiya şirkətlərinin işini sabotaj etməyə cəhd edə bilər”.
Ötən həftə Virciniyada Çin sərmayəsinin riskləri ilə bağlı keçirilən biznes-konfransda hadisə barədə bütün məlumatlara malik iki cazibədar çinli qadın halda tədbirə soxulmağa çalışıb, lakin onlar içəri buraxılmayıb.
İndi Silikon Vadisi təsisçilərinə xarici sərmayələrdən əl çəkməyə kömək edən keçmiş əks-kəşfiyyatçı aerokosmik şirkətdə işləyən və amerikalı həmkarı ilə evlənən “gözəl” rus qadınla bağlı aparılan istintaq işindən danışıb.
Məlum olub ki, rus qadını gəncliyində modellik akademiyasında oxuyub, sonra “Rus yumşaq güc məktəbi”ni ziyarət edib. Bundan sonra on il yoxa çıxıb və yenidən ABŞ-də kriptovalyutalar üzrə ekspert kimi peyda olub.
Sonra o, hərbi-kosmik innovasiya cəmiyyətinin yuxarı eşelonlarına sızmağa cəhd edib, bu zaman onun zavallı əri heç bir şeydən şübhələnməyib.
ABŞ Konqresinin Nümayəndələr Palatasının Daxili Təhlükəsizlik Komitəsi son dörd il ərzində 60-dan çox Çin casusluğu hadisəsi barədə məlumat verib. Bununla belə, keçmiş əks-kəşfiyyat rəsmiləri insidentlərin faktiki sayının xeyli çox olduğuna inanırlar.
Analitiklər onu da qeyd edirlər ki, Rusiya və Çin amerikalı həmkarları ilə əlaqə yaratmaq üçün getdikcə daha çox sadə vətəndaşları – investorları, kriptoanalitikləri, alimləri və iş adamlarını işə cəlb edir. Bu, casusluq fəaliyyətinin aşkar edilməsini və qarşısının alınmasını çətinləşdirir.
Xatirə SADİQ
