Çin Yaxın Şərqdə təsirini artırır! Suriyaya strateji tərəfdaşlıq təklifi
NOCOMMENT xəbər verir ki, Çin Suriya rəhbərliyinə “strateji tərəfdaşlıq” təklifi edib. Bəşər Əsədin Pekinə səfəri zamanı edilən təklif Pekin administrasiyasının Yaxın Şərqdə təsirini artırmaq istəyinin bir hissəsi kimi qiymətləndirilir.
Suriya prezidenti Bəşər Əsəd Çin Xalq Respublikasına səfəri çərçivəsində ölkənin liman şəhəri Xançjouda prezident Si Cinpin ilə görüşüb. Əsədin 2004-cü ildən bəri ilk dəfə etdiyi səfər zamanı ölkəsinə qarşı sanksiyalara qarşı dəstək istəyib.
Əsədin böyük ümidlərlə səfəri zamanı Cinpinq vətəndaş müharibəsi səbəbindən infrastrukturu və iqtisadiyyatı çökən ölkəyə kömək təklif edib. Cinpinq görüşdən sonra verdiyi açıqlamada, “Qeyri-sabit və qeyri-müəyyən beynəlxalq mühit qarşısında Çin dostluq əməkdaşlığı və beynəlxalq ədalət və bərabərliyin qorunması üçün Suriya ilə işi davam etdirməyə hazırdır” dedi.
