ÇL: Qarabağ bu gün qrup mərhələsinə vəsiqə qazana bilərbackend

ÇL: Qarabağ bu gün qrup mərhələsinə vəsiqə qazana bilər

  • whatsapp
  • messenger
  • telegram
  • vkontakte
  • odnoklassniki

“Qarabağ” bu gün UEFA Çempionlar Liqasının pley-off mərhələsində cavab oyununa çıxacaq.

NOCOMMENT xəbər verir ki, “köhlən atlar” Çexiyada “Viktoriya” (Plzen) komandasının qonağı olacaq. Plzendəki “Dusan Arena”da oynanılacaq qarşılaşma Bakı vaxtı ilə saat 23:00-da başlayacaq. Matçı portuqaliyalı FIFA referisi Artur Diaş idarə edəcək.

Bakıdakı ilk oyunda qolsuz heç-heçə qeydə alınıb. Cavab görüşündə qalib gələn komanda turnirin qrup mərhələsinə vəsiqə qazanacaq. Məğlub tərəf isə yoluna Avropa Liqasının qrupunda davam edəcək.

Ağdam təmsilçisi matça ciddi itkilərlə çıxacaq. Kapitan Maksim Medvedev və kolumbiyalı müdafiəçi Kevin Medina zədə səbəbindən oyunu buraxacaqlar. Meydan sahiblərindən isə kapitan Lukaş Heyda cəzalı olduğu üçün görüşdə iştirak etməyəcək.

UEFA Çempionlar Liqası
Pley-off mərhələsi, cavab oyunu
23 avqust

23:00. “Viktoriya” (Plzen, Çexiya) – “Qarabağ” (Azərbaycan)

Hakimlər: Artur Diaş, Ruy Tavareş, Paulu Soareş, Fabiu Verisimu
VAR hakimləri: Tyaqu Martinş və Luiş Qodinyu (hamısı Portuqaliya)
Plzen, “Dusan Arena”

Qeyd edək ki, “Qarabağ” daha əvvəl 2017/2018 mövsümündə Çempionlar Liqasının qrupunda mübarizə aparıb.