Jurnalistlər Nərgiz Absalamova və Sahilə Aslanova Bakı şəhər Baş Polis İdarəsinə (BŞBPİ) çağırılıb.
NOCOMMENT.az xəbər verir ki, bu barədə sosial şəbəkələrdə məlumat yayılıb.
Bildirilir ki, jurnalistlər iki gün əvvəl həbs olunan “Abzas Media”nın direktoru Ülvi Həsənli və baş redaktoru Sevinc Vaqifqızına qarşı açılan cinayət işi ilə bağlı ifadə vermək üçün polis idarəsinə çağırılıb.
Qeyd edək ki, Ü.Həsənli və S.Vaqifqızı barəsində qaçaqmalçılıq ittihamı ilə (CM-in 206.3.2-ci maddəsi) 4 aylıq həbs qətimkan tədbiri seçilib.
