1 saylı Bakı DOST Mərkəzinin xidməti ərazi üzrə fəaliyyət dairəsi genişləndirilir. Hazırda Bakının Səbail və Yasamal rayonlarının əhalisinə xidmət göstərən 1 saylı Bakı DOST Mərkəzi 1 avqust 2020-ci il tarixindən etibarən Qaradağ rayonunu da əhatə edəcək.
DOST Agentliyindən NOCOMMENT.az -a verilən məlumata görə , bu rayonun sakinləri də sosial təminat, sosial müdafiə, məşğulluq, əmək münasibətləri də daxil olmaqla ümumilikdə 132 DOST xidmətindən faydalana biləcəklər.
Xatırladırıq ki, DOST mərkəzləri 5 avqusta kimi xüsusi iş rejimində fəaliyyət göstərir.
